काठमाण्डौः छिमेकि देश भारतको पिथौरागढमा तीन नेपाली मजदूरको धारिलो हतियार प्रयोग गरि हत्या भएको छ ।
हत्या हुनेमा पुरचौंडी नगरपालिका– ५ दहतालीका ३६ वर्षीय हरे बोहरा र सोही स्थानका २७ वर्षीय बीरा बोहरा तथा पुर्चौंडी नगरपालिका– ४ भटना तडीखेतका ३६ वर्षीय काशी बोहराको धारिलो हतियारले काटेर हत्या भएको जिल्ला समन्वय समिति उपप्रमुख धनबहादुर बोहराले जानकारी दिएका छन् । उनले भने, “उनीहरुलाई धारिलो हतियारले काटेर हत्या गरिएको खबर प्राप्त भएको छ”, हरे र बीरा सहदोर भाइ हुन् ।
उनीहरुको कात्तिक ८ गते राती हत्या भएपनि आइतबार १० गते बिहान मात्रै थाहा भएको हो । पछिल्लो डेढ वर्ष देखि भारतको पिथौरागढ सिलौलस्थित मडमा मजदुरी गर्दै आइरहेका थिए ।
हरे बोहराकी श्रीमती केही महीना अघि दाजुभाउजूलाई भेट्न पिथौरागढ गएकामा उनी पनि उतै मजदूरी गर्ने गर्थिन । हरे बोहराकी श्रीमती फरार रहेकीले घटनामा उनको संलग्नता हुनसक्ने उपप्रमुख बोहराले बताएका छन् ।
यद्दपी मृतकको शव भारतको पिथौरागढ जिल्ला अस्पतालमा नै राखिएको छ । हत्या कसले गरेको हो भन्नेबारे खुल्न नसकेको बोहोराले जनाए ।
