काठमाण्डौः अमेरिकी राष्ट्रपति डोनाल्ड ट्रम्पले संसारकै नम्वर वान आतंकवादी मुस्लिम संगठन (आइएसआइएस)का उत्तराधिकारी अव्दुल्लाह कर्दश मारिएको दाबी गरेका छन् ।
राष्ट्रपति ट्रम्पले ट्वीट गर्दै इस्लामिक स्टेट अफ इरान एण्ड सिरिया (आईएसआईएस) का प्रमखु अबु बकर अल वगदादी सिरियाको पश्चिम उत्तर क्षेत्रमा मारिएको ४८ घण्टापछि उनका उत्तराधिकारी कर्दश पनि मारिएको घोषणा गरेका हुन् ।
यसअघी आईतवार सिरिया, इराक लगायतका देश हुँदै संसारभर आतंककारी गतिविधी गर्दै आएका इस्लामिक स्टेट अफ इरान एण्ड सिरिया (आईएसआईएस)का प्रमुख वगदादीलाई अमेरिकी सेनाले सिरियामा मारेको ट्रम्पले आईतबार पत्रकार सम्मेलन गरि घोषणा गरेका थिए ।
आतङ्कवादको लडाँईमा बगदादीको मृत्युलाई अमेरिकाले सद्धाम हुसेनको मृत्युपछि इतिहासकै ठूलो उपलब्धीको रूपमा मानेको छ ।
बगदादीको मृत्युपछी आईएसआईएसका नयाँ नेतामा अब्दुल्लाह कर्दश रहन सक्ने भन्दै अमेरिकाले अर्को कार्वाहीको रूपमा कर्दश मारिएको हुनसक्ने अन्तराष्ट्रिय सञ्चारमाध्यामहरूले जनाएका छन् ।
अमेरिकी राष्ट्रपति डोनल्ड ट्रम्पले इस्लामिक स्टेट आइएसले कब्जा गरेका सिरिया र इराकका सबै भूभाग फिर्ता भएको घोषणा गर्ने दिन नजिक आइरहेको बताइरहेको सन्दर्भमा पछिल्लो कार्वाहीले अन्तराष्ट्रिय सञ्चारमाध्यामहरूले प्रमुखताका साथ खबरहरू प्रकाशित गरेका छन् ।
ट्रम्पको पछिल्लो भनाइलाइ आधार मान्ने हो भने केही दिन पछि नै आइएस नियन्त्रित भूभाग शत प्रतिशत अमेरिकी गठबन्धन सेनाको नियन्त्रणमा आएको घोषणा गर्न सकिन्छ ।
