शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौः बैतडीको सिगास गाउँपालिका–६ लेकमकी २३ वर्षीया सुत्केरी धाना साउदको हेलिकप्टर मार्फत उद्धार गरिएको छ ।
उनलाई नेपाली सेनाको हेलिकप्टर मार्फत उद्धार गरी बाँकेको कोहलपुर स्थित मेडिकल कलेज पुर्याइएको थियो ।
प्रसुती सेवा केन्द्र लेकममा बच्चा जन्माएकी साउदको अत्याधिक रक्तस्राव भएपछि सेनाको हेलिमार्फत उद्धार गरिएको हो । उनलाई राष्ट्रपति उद्धार कार्यक्रम अन्तर्गत उद्धार गरी उपचारका लागि कोहलपुर लगिएको प्रमुख जिल्ला अधिकारी आनन्द पौडेलले जानकारी दिए ।
अत्यधिक रक्तस्राव भएको खबर पाएपछि जिल्ला प्रशासन कार्यालय बैतडीले हेलिकप्टरको व्यवस्था गरेको प्रजिअ आनन्द पौडेलले बताए । प्रसुती सेवा केन्द्र लेकमकी अनमी पार्वती बोहराका अनुसार सुत्केरी साउदको अवस्था सामान्य रहेको छ ।
