काठमाण्डौः उपत्यकाका नेवार समुदायको महान चाड भाइटीका लगाउँदैछन् ।
मंगलबार भाइटीका नगरेका नेवार समुदायले बुधबार आज मात्रै भाइटीका मनाउन लागेका हुन् ।
नेपाल पञ्चाङग निर्णायक समितिको निर्णय अनुसार मंगलबार भाइटीका मनाइए पनि उपत्यकाका नेवार समुदायले भने आज मात्रै भाइटीका मनाउदै छन् ।
उपत्यकाका नेवार समुदाय बाहेक अधिकांशले भने हिजो मंगलबार नै भाइटीका लगाईसकेका छन् । भाइटीकाको दिन दिदीबहिनीले आफ्ना दाजुभाइलाई सप्तरङ्गी टीका लगाइदिने चलन छ ।
दिदीबहिनीले लगाएको तेलको घेरो र मखमली माला नसुकुञ्जेल दाजुभाइलाई आजको भाइटीकाको प्रसादको कामनाले केही हुँदैन भन्ने आम जनविश्वास समेत रहेको छ ।
दिदीबहिनीले दाजुभाइलाई टीका लगाएपछि दाजुभाइले पनि दिदीबहिनीलाई टीका लगाउने गरिन्छ । नेवार समुदायले मनाउने किजा पुजा अर्थात भाइटीकाको लागि बुधबार सरकारले सार्वजनिक बिदा दिएको छ ।
