काठमाण्डौ: रौतहटको गौरमा भारतीय समुहको गोलि प्रहारबाट एक जना भारतिय नागरिक घाईते भएका छन् ।
रौतहटको गौर न.पा.- २ स्थित विरेन्द्र शाहको घरमा डेरा गरि वस्ने भारत शिवहर जिल्ला अदलपुर वस्ने ४० बर्षीय विजय शाह (२ नम्बर कपडा व्यापारी) लाई भारतीय नागरिकले गोली प्रहार गरेको अनुसन्धानबाट खुलेको हो ।
बुधबार साँझ शाहलाइ गोली प्रहार गर्ने भारतीय नागरिक भारतको वैरगनियाका नगर पञ्चायत वडा नम्बर १२ निवासि नरेश राम र चैनपुर थाना स्थित मउहवा वस्ने रजनिस पासवान रहेको प्रहरीले जनाएको छ ।
दुवैजना शाहको डेरामा आई पैसाको लेनदेनको विषयमा विवाद हुँदा निज शाहलाई गोलि प्रहार गरेका थिए । गोली प्रहार गर्ने समुह फरार रहेकोले खोजीकार्य जारी रहेको जिल्ला प्रहरी कार्यालय रौतहटले जनाएको छ ।
गोली प्रहारबाट गम्भिर घाइते शाहको बायाँ कोखामा गोलि लागेकोले जिल्ला अस्पताल रौतहटमा प्राथमिक उपचार पश्चात थप उपचारको लागि विरगञ्ज स्थित नारायणी उपक्षेत्रिय अस्पताल बिरगञ्ज रेफर गरिएको प्रहरीले जनाएको छ ।
