काठमाण्डौः धादिङको गजुरी गाँउपालिका वडा नम्बर २ चुनिखोलामा बिहिबार बिहान जिप दुर्घटना हुँदा जिपमा सवार ९ जना घाइते भएका छन् ।
धादिङको बेनिघाट रोराङ्ग गाँउपालिका वडा नम्बर २ ताल्तीबाट मलेखु तर्फ आउँदै गरेको ग १ ज ३०११ नम्बरको बोलेरो जिप अनियन्त्रित भइ बिहान ९ बजे कच्ची बाटोबाट ३० मिटर तल टुकी खोल्सामा खसी दुर्घटना भएको हो ।
उक्त जिप दुर्घटनामा परी नौ जना यात्रुहरू घाइते भएका छन् । घाइते हुनेहरूमा गजुरी गाँउपालिकाका चार जना, बेनिघाट रोराङ गाँउपालिकाका चार जना र मकवानपुरका एक जना रहेका छन् ।
घाईतेहरुको स्थानियले उद्दार गरी गजुरी अस्पतालमा उपचार भइरहेको प्रहरीले जनाएको छ ।
घाइतेहरूको नामावलीः
१. गजुरी गा.पा. २ का २३ बर्षीय अच्युत सिलवाल,
२. गजुरी गा. पा. २ का २५ बर्षीय भिम सिलवाल,
३. बेनिघाट रोराङ गा. पा. २ छाप डाडाका नबराज खरेल,
४. गजुरी गा. पा. २ का १५ बर्षीय बिबस सेढाँई,
५. बेनिघाट रोराङ गा. पा. २ ताल्तिका ३४ बर्षीय सान्तिमाया तामाङ,
६. मकवानपुर मनहरी गा. पा. ३ का २८ बर्षीय सुनिल दर्जी,
७. बेनिघाट रोराङ गा. पा. ४ का २४ बर्षीय नरेस सिलवाल
८. गजुरी गा. पा. ३ का २२ बर्षीय दिनेस तामाङ
९. बेनिघाट रोराङ गा. पा. २ का १८ बर्षीय सरस्वती रेग्मी रहेको ।
