शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौः बाराबाट नेपाल प्रहरीका एक सई ६० हजार रुपैयाँ घुस सहित पक्राउ परेका छन् ।
प्रहरी चौकी गञ्जभवानीपुरका प्रहरी नायब निरीक्षक (सई) जटाशंकर प्रसाद कलवारलाई ६० हजार घुस रकम सहित अख्तियारले रंगेहात पक्राउ गरेको हो ।
अख्तियार दुरुपयोग अनुसन्धान आयोग हेटौडाको टोलीले बिहिबार उनलाई पक्राउ गरेको हो ।
एक जना स्थानीय कपडा व्यापारीसँग कलवारले घुस रकम लिई रहेको अवस्थामा कलैया उपमहानगरपालिका–४ स्थित श्रीराम खाद्य उद्योग अगाडिबाट पक्राउ गरेको अख्तियार दुरुपयोग अनुसन्धान आयोग हेटौंडाका सूचना अधिकारी शिवराज रेग्मीले जानकारी दिए ।
घुस रकमसहित पक्राउ परेका सइलाई अनुसन्धानको लागि हेटौंडा स्थित अख्तियारमा राखिएको र थप कारवाहीको लागि अख्तियार दुरुपायोग अनुसन्धान आयोगको केन्द्रिय कार्यालय काठमाडौंको टंगालमा बुझाइने जनाइएको छ ।
