काठमाण्डौ: दोलखाको मागा देउरालीबाट आईतबार साँढे १ बजे काठमाण्डौँतर्फ आउँदै गरेको यात्रुवाहक बस सुनकोशीमा खस्दा ८ जनाको मृत्यु भएको छ । मृत्यु हुनेमा ५ महिला २ जना पुरुष १ जना बच्चा रहेको ।
शैलुङ्गेश्वर यातायातको बा २ ख ७२४५ नम्बरको बस सिन्धुपाल्चोकको सुकुटेमा दुर्घटना हुँदा ६ जनाको मृत्यु भएको सिन्धुपाल्चोकका डीएसपी माधव काफ्लेले जानकारी दिएका छन् ।
प्रमुख जिल्ला अधिकारी गोमादेवी चेम्जोङका अनुसार उक्त बस सुनकोशीमा खसेको र चालक धनबहादुर तामाङ्गलाई पानीबाट उद्दार गरि स्थानिय अस्पतालमा उपचार गरिएको बताए ।
उक्त बस सुनकोशी नदिमा पुरै डुबेको र हालसम्म ८ जनाको शव फेला पर्नुको साथै ३५ जना घाइतेको स्थानिय र प्रहरीको सहायतामा उद्दार गरि धुलिखेल अस्पताल लगिएको प्रहरीले जनाएको छ ।
उक्त गाडीमा ३४ जना यात्रुले दोलखाको मागा देउरालीबाट टिकट काटेर आएका थिए । टिकट नकाटेका अन्य यात्रुहरू गरि करिब ४५ जना भन्दा बढी यात्रु रहेको प्रहरीको अनुमान रहेको ।
मृतकको संख्या अझै बढ्न सक्ने बताइएको छ । अहिले उद्धार कार्य जारी रहेकोले घटनाको थप विवरण आउन बाँकी रहेको छ ।
