शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौं: आगामि मंसिर ३ गते दशरथ रंगशालामा हुन् कुवेत विरुद्धको विश्वकप छनोट खेल तयारी स्वरूप मैत्रीपूर्ण खेलका लागि नेपाली राष्ट्रिय फुटबल टोली आइबार म्यान्मार प्रस्थान गरेका छन् ।
यहि बिहिबार नेपाल र म्यान्मारबीच हुने मैत्रीपूर्ण खेलमा सहभागी हुने खेलाडिहरूलाई अखिल नेपाल फुटबल संघ (एन्फा) का अध्यक्ष कर्मा छिरिङ शेर्पा, महासचिव इन्द्रमान तुलाधर लगायतले टोलीको बिदाइ गरेका थिए ।
गत महिना जोर्डन विरुद्धको विश्व कप छनोटमा खेलमा रहेको टोलीका ४ खेलाडी कप्तान किरण चेम्जोङ, रोहित चन्द, विशाल राई र हेमन गुरुङ यसपटक खेलमा समावेश छैनन् ।
भरत खवासको खेलमा आगमन भएसँगै राष्ट्रिय टिममा गोलकिपर एलेन न्यौपानेले स्थान बनाएका थिए भने दुई नयाँ खेलाडि सुवास गुरुङ र मिक्चेन तामाङ पहिलो पटक टोलीमा समेटिएका छन् ।
