शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौं: ओखलढङ्गाको मोलुङ गाउँपालिकास्थित थुम्की जंगलमा बाँदर लखेट्ने क्रममा भरुवा बन्दुक पड्किँदा १ जनाको मृत्यु भएको छ ।
मोलुङ गाउँपालिका स्थायी घर भएका १७ वर्षीय लालमान तामाङको मृत्यु भएको छ । बन्दुक पड्किँदा गम्भीर घाइते भएका तामाङको उपचारका लागी काठमाडौं लैजाने क्रममा बाटोमा नै मृत्यु भएको हो ।
जिल्ला प्रहरी कार्यालय ओखलढुङ्गा र ईलाका प्रहरी कार्यालय बरुणेश्वरबाट खटिएको प्रहरी टोलिले बाँदर लखेट्ने समूहका एक जनालाई नियन्त्रणमा लिएको छ ।
पक्राउ पर्नेमा मोलुङ गाउँपालिका–३ का २१ वर्षीय चित्र बहादुर सुनुवार रहेका छन् । साथै जंगलबाट प्रहरीले २ थान भरुवा बन्दुक समेत फेला पारेको छ ।
सिकारीमा संलग्न समूहका फरार व्यक्तिहरुको खोजी तथा सो सम्बन्धी अनुसन्धान भईरहेको प्रहरीले जनाएको छ ।
