शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौः अर्घाखाँचीमा कार दुर्घटना हुँदा तीन जनाको मृत्यु भएको छ ।
अर्घाखाँचीको सन्धिखर्क नगरपालिका स्थित नरपानीमा बुधबार बिहान भएको दुर्घटनामा परी २ जना पुरुष र १ जना महिलाको मृत्यु भएको हो । दुर्घटनामा अन्य दुई जना घाइते भएका छन् ।
रुपन्देहीको सैनामैनाबाट सन्धिखर्क जाँदै गरेको बा १७ च ६९१७ नम्बरको उक्त कार सन्धिखर्क सडकखण्डको नरपानीमा दुर्घटना भएको हो ।
दुर्घटनामा परी रुपन्देही सैनामैना नगरपालिका वडा नं २ बस्ने दुर्गा देवी खड्का, तिलक खड्का र भक्तबहादुर खड्काको ज्यान गएको प्रहरीले जनाएको छ ।
सैनामैना २ निवासी गाडि चालक बिनोद खड्का र गंगाबहादुर खड्का घाईते भएको जिल्ला प्रहरी कार्यालयका प्रमुख प्रकाश बिष्टले जानकारी दिए ।
दुर्घटनामा घाइते भएकाहरुको स्थानीय र प्रहरीले उद्धार गरी प्राथमिक स्वास्थ्य केन्द्र ठाडामा उपचार भइरहेको छ ।
