शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौ: प्रदेश नम्बर २ का नवनियुक्त प्रदेश प्रमुख तिलक परियारले पदभार ग्रहण गरेका छन् ।
जनकपुरमा बुधबार प्रदेश सरकारका भौतिक पूर्वाधार मन्त्री जितेन्द्र सोनालले प्रदेश प्रमुख परियारलाई स्वागत तथा अभिनन्दन गरेका हुन् ।
प्रदेश प्रमुख परियारलाई नेपाली सेनाको एक टुकडीले सलामी अर्पण गरेको थियो ।
नवनियुक्त प्रदेश प्रमुख परियारले पदभार ग्रहण गर्दै, “संविधान सम्मत् रूपमा प्रदेशको समृद्धि र सुखी नेपालीका लागि एक ढिक्का भएर जनताको लागि काम गर्ने” बताए ।
जनकपुर विमानस्थलमा नवनियुक्त प्रदेश प्रमुख परियारलाई संघिय सरकारका उपप्रधान एवं स्वास्थ्य मन्त्री उपेन्द्र यादव र प्रदेश नम्बर २ का मुख्यमन्त्री लालबाबु राउतले स्वागत गरेका थिए ।
