शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौं: भारतको जम्मू-कश्मीरमा हिमपातका कारण ६ जनाको मृत्यु भएको छ ।
बुधबारदेखि परेको हिमपातका कारण दुई सुरक्षाकर्मी सहित ६ जनाको ज्यान गएको भारतीय सञ्चारमाध्यामले जनाएका छन् ।
हिमपातले त्यहाँको जनजीवन अत्यन्तै कष्टकर र अस्तव्यस्त बनेको छ । श्रीनगर एयरपोर्टका सबै उडान हिमपातका कारण रद्द भएका छन् भने श्रीनगर-जम्मू हाइवे समेत बन्द गरिएको छ ।
श्रीनगरको लानगेटमा हिमपातको कारण सेनाको गाडी दुर्घटना हुँदा राइफलम्यान भीम बहादुर र अखिलेस कुमारको मृत्यु भएको हो । मृतक भीमबहादुरको ठेगाना हालसम्म खुल्न सकेको छैन ।
कुपवाडा गएको हिमपहिरोमा श्रीनगर विद्युत विभागका कर्मचारी र हबाक इलाकाका एक व्यक्तिको ज्यान गएको हो ।
मौसम विभागले श्रीनगर बासिलाई २४ घण्टा सचेत रहन आग्रह गरेको छ साथै श्रीनगर हाइवेमा हिमपातका कारण दुइ हजार भन्दा बढि सवारी साधनहरू फसेका छन् ।
