शेयर गर्नुहोस:
फन्ट परिवर्तन गर्नुहोस:
अ
अ
अ
काठमाडौं: प्रतिबन्धित नेत्रविक्रम चन्द (विप्लव) नेतृत्वको नेपाल कम्युनिस्ट पार्टीका निवर्तमान केन्द्रीय सदस्य टेकबहादुर केसीलाई प्रहरीले पक्राउ गरेको छ ।
नेकपा विप्लव स्रोतका अनुसार केसीलाई प्रहरीले बिहिबार राति साँढे ९ बजे सेल्टरबाट पक्राउ गरेको हो ।
आफ्ना नेतालाई अपहरण शैलीमा प्रहरीले मध्यराती गिरफ्तार गरेर बेपत्ता पारेको भन्दै नेकपाले आपत्ति जनाएको छ ।
प्रहरीले उनलाई राति गिरफ्तार गरेर कहाँ राखिएको छ भन्नेबारेमा समेत केही जानकारी नदिएको परिवारजनले बताएका छन् ।
पछिल्लो पटक नेकपाका नेता कार्यकर्ताहरु कमजोर कार्यशैलीका कारण गिरफ्तारमा पर्ने गरेका छन् ।
केही समय अघि पनि प्रहरीले पिप्लवका दाजु चन्द्र बहादुर चन्द बिरजंग सहित २१ जना नेता कार्यकर्तालाई राप्ती ब्युरो बैठक बसिरहेका बेला मध्यरातमै दाङबाट पक्राउ गरेको थियो ।
