काठमाण्डौ: प्रमुख प्रतिपक्ष काँग्रेस निकट नेपाल विद्यार्थी संघले राजधानीमा भारतीय राजनीतिक नक्सा बिरुद्धको प्रदर्शनलाई तिब्र पारेको छ ।
भारतले सार्वजनिक गरेको नयाँ नक्सामा कालापानी लगायतको नेपाली भुमि मिचिएपछि विभिन्न राजनीतिक दल तथा संगठनले विरोध प्रदर्शन गर्ने क्रम जारी रहेको छ ।
कालापानी र लिपुलेकलाई आफ्नो क्षेत्रमा समावेश गरेको भन्दै नेपाल विद्यार्थी संघ काठमाडौं जिल्ला समिति र पशुपति क्याम्पस इकाईले शुक्रबार विहान राजधानीमा विरोध प्रदर्शन गरेको हो ।
कालपानी, लिम्पियाधुरा र लिपुलेक फिर्ता गर्नुपर्ने’ माग राख्दै ब्यानर र प्लेकार्डसहित प्रदर्शनमा उत्रिएका उनिहरुले भारत बिरोधि नारा लगाउँदै बजार परिक्रमा पनि गरेका छ्न् ।
यसैबिच नेविसंघ काठमाडौं जिल्ला समिति तथा नेविसंघ पशुपति क्याम्पस ईकाईले भारतीय विस्तारवादको विरूद्धमा कार्तिक २३ गते सिट्ठी जुलुस , २४ गते मसाल जुलुस र २५ गते पुत्ला दहन गर्ने कार्यक्रम सार्वजनिक गरेको जनाएको छ ।
