शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौः प्रधानमन्त्री केपी शर्मा ओलीले शनिवार साँझ सर्वपक्षीय बैठकको आव्हान गरेका छन् ।
भारतले हालै जारी गरेको नयाँ रजनितिक नक्सामा नेपालको लिपुलेक, कालापानी, लिम्पियाधुरा लगायतका क्षेत्र पारेकोबारे छलफल गर्न सर्वपक्षीय बैठक बोलाएका हुन् ।
प्रधानमन्त्रीको सचिवालयका अनुसार सर्वपक्षिय बैठक शनिबार साँझ चार बजे बोलाइएको हो । बैठकमा पूर्वप्रधानमन्त्रीहरू, पूर्वपरराष्ट्रमन्त्रीहरू र प्रमुख राजनीतिक दलका शीर्ष नेताहरुलाई बोलाईएको छ ।
बैठकले सीमा विवादका विषयमा सामूहिक धारणा तय गर्ने बताइएको छ।
भारतले लिपुलेक र कालापानी समेटर सार्वजनिक गरेको नयाँ नक्सा सरकारले अस्वीकार गर्ने बताइसकेको छ । नेपाली भूमिलाई समेट्दै भारतले एकपक्षीय ढङ्गबाट नयाँ राजनीतिक नक्सा सार्वजनिक गरेको प्रति सरकारले बिहीबार पत्रकार सम्मेलन गरेरै आपत्ति जनाएको हो ।
