काठमाण्डौ: सरकार विरुद्धको प्रदर्शनमा झडप हुँदा इराकमा सात जनाको मृत्यु भएको छ ।
प्रत्यक्षदर्शीहरुका अनुसार प्रदर्शनकारीलाई रोक्न सुरक्षाकर्मीले अश्रुग्याँस र ध्वनी बम प्रयोग गरिएको थियोे । सो घटनामा कयौं घाइते भएको अन्तर्राष्ट्रिय सञ्चारमाध्यमहरुले जनाएका छन् ।
टाइग्रिस नदीमा रहेका तीनवटा पुल आन्दोलनकारीले नियन्त्रणमा लिएपछि त्यहाँस्थित बगदादको मध्य भागमा रहेको सुरक्षाकर्मीसँग झडप भएको थियो ।
सुरक्षाकर्मीहरुले प्रान्तीय सरकारको मुख्यालयको बाहिर प्रदर्शन शिविर हटाउँदा दक्षिणी शहर बसरामा तीन जना प्रदर्शनकारी मारिएको र दर्जनौ घाइते भएको अन्तर्राष्ट्रिय समाचार माध्यमले जनाएका छ्न् ।
सोहि क्षेत्रमा गएको अक्टोबरमा सुरु भएको प्रदर्शनमा २ सय ५० भन्दा बढीको मृत्यु भएको थियो ।
आन्दोलनकारीको सुरक्षाकर्मीले अत्याधिक बल प्रयोग गरेर मृत्यु भएको बताएपनी त्यहाँको आन्तरिक मन्त्रालयले भने घटनामा कसैको मृत्यु नभएको दावी गरेको छ ।
