काठमाण्डौः प्रतिबन्धित नेकपा ‘विप्लब’ पार्टीका नारायणी ब्युरो इञ्चार्जसहित २० जना कार्यकर्ता सत्तारूढ नेपाल कम्युनिष्ट पार्टी (नेकपा)मा प्रवेश गरेका छन् ।
नेकपा मकवानपुरका सचिव तथा प्रदेशसभा सदस्य प्रेमबहादुर पुलामीका अनुसार सो पार्टीका नारायणी ब्युरो सदस्य चन्द्रबहादुर थिङको नेतृत्वमा सत्तारूढ पार्टीमा प्रवेश गरेको बताए ।
पार्टी प्रवेश गर्नेहरूमा इलाका सेक्रेटरी बलराम नेगी, युवा संगठनका केन्द्रीय सदस्य आइसमान ब्लोनसहित विभिन्न गाउँ कमिटीका पदाधिकारी एवं कार्यकर्ताहरू रहेका छन् ।
नवप्रवेशीहरूलाइ प्रतिनिधिसभा सदस्य एवं सत्तारूढ नेकपाका केन्द्रीय सदस्य तथा मकवानपुर जिल्ला इञ्चार्ज विरोध खतिवडाले टीका र खादा लगाएर स्वागत गरेका थिए ।
स्वागत कार्यक्रममा नेकपा नेता खतिवडाले नेकपाको नेतृत्वमा रहेको वर्तमान सरकारले र सर्वहारा वर्गको हितमा काम गरिरहेको बताए ।
