काठमाण्डौ: सरकारले अनसनरत डा गोविन्द केसीलाई काठमाडौँ ल्याउन नसक्ने अबस्था सृजना भएको छ ।
डडेल्धुरामा गत कार्तिक १८ गते देखि अनसनरत डा केसीको स्वास्थ्यमा समस्या देखिएपछि सरकारले काठमाण्डौ ल्याउने प्रयास बिफल भएको हो ।
डडेल्धुराका प्रमुख जिल्ला अधिकारी राजुप्रसाद पौडेलका अनुसार डा.केसिका समर्थकले काठमाडौँ लैजान नदिने भन्दै सोमबार डडेलधुरामा प्रदर्शन गरेपछि उनलाई थप उपचारको लागि राजधानी लग्न नसकिएको बताए ।
सोमबार बिहानै डा केसीलाई लिन सुर्खेतबाट डडेल्धुररा पुगेको सेनाको हेलिकप्टर पुन: सुर्खेत फर्केको स्रोतले बताएको छ ।
उता डडेल्धुरामा अनसनरत डा केसीलाई सरकारले अपहरण शैलीमा उठाउन लागेको भन्दै उनका समर्थनले डडेल्धुरामा प्रदर्शन तिब्र पारेका थिए ।
समर्थकहरुले सडकमा टायर बाल्नुका साथै सवारी आवतजावत समेत ठप्प पारेका थिए ।
तर अस्पतालका मेसु डा. जितेन्द्र कंँडेलले डा केसीको स्वास्थ्य अवस्था निकै जटिल भएकोले रिफर गर्न खोजिएको तर बिरोध पश्चात् सो कार्य असम्भव भएको बताएका छ्न् ।
स्वास्थ्य मन्त्रालयले डा केसिको उपचारको लागि सोमबार नै वीर अस्पताल र त्रिवि शिक्षण अस्पताललाई तयारी अवस्थामा रहन निर्देशन गरिसकेको थियोे ।
