काठमाण्डौः राष्ट्रपति विद्यादेवी भण्डारीको निमन्त्रणामा चार दिने औपचारिक सद्भावना भ्रमणको सिलसिलामा बंगलादेशका राष्ट्रपति मोहम्मद अब्दुल हमिद मंगलबार काठमाडौँ आइपुगेका छन् ।
नेपाल भ्रमणमा आएका राष्ट्रपति हमिदलाई त्रिभुवन अन्तराष्ट्रिय बिमानस्थलको अति बिशिष्ट कक्षमा नेपालकी राष्ट्रपति विद्यादेवी भण्डारी, राष्ट्रिय सभाका अध्यक्ष गणेश तिमिल्सिनाऽ परराष्ट्रमन्त्री प्रदिप ज्ञावाली लगायतका उच्च अधिकारीहरुले स्वागत गरेका थिए ।
राष्ट्रपति हमिदको स्वागतमा सेनाको एक टुकुटीले सम्मान गारद अर्पण गरेको थियो ।
नेपाल भ्रमणका क्रममा राष्ट्रपति हमिदले उपराष्ट्रपति नन्दबहादुर पुन, प्रधानमन्त्री केपी शर्मा ओली, राष्ट्रिय सभाका अध्यक्ष गणेश तिमिल्सिना, परराष्ट्रमन्त्री प्रदीप कुमार ज्ञवालीसहित विभिन्न राजनीतिक दलका शीर्ष नेतृत्वसँग भेटवार्ता गर्ने कार्यक्रम रहेको छ ।
परराष्ट्र मन्त्रालयका अनुसार बंगलादेशका राष्ट्रपति हमिद नेपालको चार दिने भ्रमण पूरा गरेर शुक्रबार स्वदेश फर्किने कार्यक्रम रहेको छ।
