काठमाण्डौं: चिकित्सा क्षेत्र सुधारको लागी विभिन्न सात सुत्रिय मागहरु अघि सारी सत्याग्रह थालेका डा. गोविन्द केसीले अनतत: अनसन तोडेका छन् ।
कार्तिक १८ गते देखि डडेल्धुरामा अनसन सुरु गरेका डा. केसीले मंगलबार ९ औ दिनमा ४ वर्षिय बालिकाको हातबाट जुस पिएर अनसन तोडेका हुन् ।
भारत सरकारले हालै सार्वजनीक गरेको राजनैतिक नक्सामा नेपाली भुमी भारतले समेटेको विषयले चिन्तित रहेको उल्लेख गर्दै मंगलबार केसीले अपरान्ह पौने ५ बजे अस्पतालमा अनसन तोडेका छन् ।
राष्ट्रियताको संवेदनशील विषयमा देशभरमा जनस्तरबाट आवाज उठिरहँदा उहाँहरुको संवेदनालाई हृदयंगम गर्दै हाल जारी सत्याग्रह तत्कालका लागि स्थगन गर्ने निर्णय गरेका छौं, डा. केसीले जारी गरेको विज्ञप्तिमा भनिएको छ ।
स्वास्थ्य र चिकित्सा शिक्षा सुधार तथा सुशासनका लागि हाम्रो लडाइँ जारी रहने तथा सरकारले हाम्रा माग पूरा नगरेको खण्डमा पुनः सत्याग्रहसहितका आन्दोलनका कार्यक्रम ल्याउने भन्दै डा. केसिले पुन: अनसन बस्न सक्ने संकेत गरेका छन् ।
यसैविच डा. गोविन्द केसीले भारतिय प्रधानमन्त्री नरेन्द्र मोदिलाई सम्बोधन गरी एक पत्र लेखी नेपालमा आफु स्वास्थ्य शिक्षा क्षेत्र सुधारका लागि सत्याग्रह अभियानमा रहेको बेला भारतले निकालेको नयाँ नक्सामा नेपालको पश्चिमी सीमा क्षेत्रको लिम्पियाधुरासम्म भूभाग भारतमा समेटीएको समाचारले अरु नेपाली नागरिक जस्तै म पनि स्तब्ध छु भन्दै नेपाली भूमिको अतिक्रमण तत्काल बन्द गरी हालै सार्बजनिक भारतको नक्सा समेत सच्याउन आग्रह गरेको छन् ।
डा. गोविन्द केसीले भारतिय प्रधानमन्त्रीलाई लेखेको पत्र:
