काठमाण्डौं: भारतको महाराष्ट्रमा मंगलबार देखि लागु हुनेगरी सरकारले राष्ट्रपति शासन लागु गरेको छ ।
महाराष्ट्रमा विधानसभा चुनावको परिणाम सार्वजनिक भएको १९ दिनपछि राष्ट्रपति शासन लागू भएको हो
राष्ट्रपति रामनाथ कोविन्दले भारतीय संविधानको धारा ३५६ अनुरुप क्याबिनेटलाई राष्ट्रपति शासनको सिफारिस स्वीकृति दिएका छन् ।
सरकार बनाउनको लागि समय नदिएको भन्दै राष्ट्रपति शासन लागु भएको प्रति आपत्ति जनाउदै शिवसेना पार्टिले सर्वोच्च अदालतमा मुद्दा दायर गरेको छ ।
त्यसैगरी काँग्रेस आइका वरिष्ठ नेता दिग्विजय सिंहले प्रधानमन्त्री र गृहमन्त्रीको इशारामा महाराष्ट्रमा राष्ट्रपति शासन लागू भएको आरोप लगाएका छन् ।
सत्तारूढ भाजपालाई सरकार बनाउन राज्यपाल भगत सिंह कोस्यारीले समर्थन दिएका थिए तर भाजपाले सरकार गठनमा ध्यान नदिए पछि राजनीतिक अस्थिरता उत्पन्न भएको थियो ।
मुख्यमन्त्रीबारे सत्तासीन भारतीय जनता पार्टी (भाजपा) र शिवसेनाबीच विवाद हुँदै आएको थियो ।
महाराष्ट्रमा अब सरकारले निर्वाचन गराउन सक्ने स्थानीय सञ्चारमाध्यामहरूले जनाएका छन् ।
