काठमाण्डौ: चिनियाँ स्वतन्त्र नागरिक समुहले राजधानीको ठमेलमा चीन विरोधी प्रदर्शन गरेका छन् ।
नेपालको उत्तरी खण्डमा चिनियाँ अतिक्रमण बढेको भन्दै एक दर्जन युवाहरूको समुहले ब्यानर सहित चीनविरोधी प्रदर्शन गरेका हुन् ।
“अवैध चिनियाँ नागरिक आफ्नो भूमि फर्क” (illegal Chinese Go Back) लेखिएको व्यानर सहित बुधबार ठमेलमा भेला भइ उनीहरूले चीन बिरोधी प्रदर्शन गरेका थिए ।
बुधबार मध्यान्ह स्वतन्त्र नागरिक समूहको ‘प्ले कार्ड’ बोकेका युवाहरुले उत्तरी सिमानामा पर्ने थुप्रै नेपाली भूभाग मिचेको भन्दै प्रदर्शन गरेका हुन् । प्रदर्शनकारीहरूले हुम्लाको भाँगदारे खोलामा ६ हेक्टर, कर्णालीमा ४ हेक्टर, रसुवाको सन्जेन खोलामा ७ हेक्टर जमिन चीनले मिचेको भन्दै प्ले कार्ड समेत बोकेका थिए ।
चीनले नेपालको भुर्जुग खोलामा १ हेक्टर, लेम्दे खोलामा १ हेक्टर, जबमु खोला ३ हेक्टर, सिन्धुपाल्चोकको खराने खोलामा ७ हेक्टर, भोटेकोशीमा ४ हेक्टर, समजुँग खोलामा ३ हेक्टर, काम खोलामा २ हेक्टर र संखुवासभाको अरुण नदीमा ४ हेक्टर जमीन कब्जा गरेको उनीहरूको आरोप रहेको छ ।
चीनियाँले सीमानाका मात्र नभइ व्यवसायमा समेत हस्तक्षेप गरेको उनीहरुले आरोप लगाएका छन् ।
नापी शाखाले जारी गरेको प्रमाणको आधारमा विरोध गरेको भन्दै नेपालको उत्तरी ४ जिल्लाको सीमामा पर्ने ३६ हेक्टर भूभाग मिचेकोमा पनि उनीहरुको आपत्ति रहेको थियो ।
