काठमाण्डौ: नेपालको मैत्रीपुर्ण भ्रमणमा रहेका बंगलादेशि राष्ट्रपति मोहम्मद अब्दुल हमिद स्वदेश फर्किएका छन् ।
गत मंगलबार ४ दिने मैत्रीपुर्ण भ्रमणका लागि नेपाल आएका रास्ट्रपति हमिद सहितको प्रतिनिधि मण्डल शुक्रबार साँझ स्वदेश फर्किएको हो ।
राष्ट्रपति विद्यादेवी भण्डारीको निमन्त्रणामा गत मंगलबार श्रीमती र ५० दस्यीय टोलि सहित नेपाल आएका बंगलादेशका राष्ट्रपति हमिदले नेपाल बसाइको क्रममा भक्तपुर दरबार स्क्वायर, पोखराको फेवाताल, बेगनाशताल, लगायतका पर्यटकिय स्थलहरुको भ्रमण गरेका थिए ।
त्यसैगरी, हमिदले शुक्रबार बिहान ११ बजे चन्द्रागिरी र दिउँसो १ बजे पाटन दरबार स्क्वायर घुमेर स्वदेश फर्किएका हुन्।
राष्ट्रपति हमिद साँझ पाँच बजे त्रिभुवन अन्तर्राष्ट्रिय विमानस्थलहुँदै बंगलादेश विमानबाट स्वदेश प्रस्थान गरेका हुन् ।
बंगलादेशी राष्ट्रपति हमिदलाई त्रिभुवन अन्तरास्ट्रिय विमानस्थलको अति बिशिस्ट कक्षमा राष्ट्रपति विद्यादेवी भण्डारीले विदाई गरेकी थिईन ।
बिदाई पूर्व नेपाली सेनाको टुकडीले सलामी अर्पण गरेको थियो ।
