काठमाण्डौं: सरकारी विरोधमा युगान्डाली विद्रोही समूहले १४ सर्वसाधारणको हत्या गरेका छन् ।
अफ्रिकी मुलुक कंगोमा शुक्रबार रातिदेखि शनिबार बिहानसम्मको अवधिमा बिद्रोहि समुहले १४ सर्बसाधारणको हत्या गरेको एक स्थानीय सरकारी अधिकारीले अन्तराष्ट्रिय संचार माध्यमहरुलाई जानकारी दिएका छन् ।
कंगोमा विगत दुई सातामा बदलाको भावनाबाट गरिएको आक्रमणबाट ३० जनाभन्दा बढी सर्वसाधारणको हत्या भईसकेको स्थानिय अधिकारीहरुले जनाएका हुन् ।
युगान्डाका विद्रोही समूह एलाइड डेमोक्रेटिक फोर्सेस (एडिएफ) सक्रिय कंगोको उत्तरी किभु प्रान्तको बेनी क्षेत्रका दुई स्थानमा सरकारी सेनाले इस्लामिक जिहादी विचारधारामा आबद्ध लडाकू विरुद्ध आक्रामक सैन्य कारबाही गर्ने गत महिना घोषणा गरेको थियो ।
कंगोमा सन् १९९५ देखि सक्रिय रहेको मानिएको एडिएफले विगत पाँच वर्षको अवधिमा बेनी क्षेत्रमा सयौं, हजारौं सर्वसाधारणको हत्या गरेपछी इस्लामिक स्टेट समूहले एडिएफले गरेका धेरैजसो आक्रमण आफ्नो जिम्मामा लिएको छ ।
गत अक्टोबर ३० मा कंगोको सरकारी फौजले बेनी क्षेत्रमा सक्रिय लडाकूहरुलाई विस्थापित गर्न सैन्य कारबाही गर्ने घोषणा गरेको पश्चात आक्रमणकारीले स्थानीयबासीमाथि धारिलो हतियारले आक्रमण गरेको र घर तथा सर्बसाधारणको पसलमा लुटपाट गरेको बेनीका प्रशासक डोनाट किबवानाले जानकारी दिए ।
