काठमाण्डौः मकवानपुरको भीमफेदी कारागारबाट शनिवार राती एक कैदी फरार भएका छन् ।
गएराति करिब १० बजेको समयमा कर्तव्य ज्यान मुद्दामा जन्मकैदको सजाय काटिरहेका ३० वर्षका कुलदीपराज धामी फरार भएको हो ।
कारागारका प्रमुख जेलर प्रकाश खनालका अनुसार कैदी आफै भागेको हो की अरू कसैको सहयोगमा भागेको भन्ने बिषयमा अनुसन्धान शुरू गरेको बताएका छन् ।
कैदी धामीलाई भगाउन कसैको सहयोग रहेको आशङ्का गर्दै कारागार वरिपरि १२ फिटभन्दा अग्लो पर्खाल रहेकाले एक्लै भाग्न सम्भब नभएको कारागार प्रशासनले जनाएपनि पर्खालको केही सानो भागमा ग्याप रहेको र त्यहाँ तार तानिएको भेटिएकाले धामी त्यहीबाट भागेको हुनसक्ने प्रहरीको अनुमान रहेको छ ।
यसैबीच धामीको खोजीका लागि कारागार प्रसासनले निज धामीको स्थायी बसोबास रहेको घर चितवन र पुरानो ठेगाना सुनसरीमा समेत ‘अर्लट’ गरिएको दावी गरेको छ ।
जिल्ला अदालतबाट कर्तव्य ज्यान मुद्दामा २० वर्ष जेल तोकिएका धामीले पाँच वर्षदेखि सजाय काटिरहेका थिए ।
