काठमाण्डौं: बर्दियाको जिल्ला सदरमुकाम गुलरीयाबाट प्रहरीले चरेससहित पाँच जनालाई नियन्त्रणमा लिएको छ ।
बर्दिया जिल्लाको गुलरिया बाट आईतबार प्रहरीले ठुलो मात्रामा ५८ किलो ग्राम चरेस सहित ५ जनालाई पक्राउ गरेको हो ।
जिल्ला प्रहरी कार्यालय गुलरीयाको टोलीले विशेष सूचनाको आधारमा गुलरिया नगरपालिका-७ भन्सार रोडमा नेपालगञ्जबाट गुलरीया हुँदै भारत लैजादै गरेको ५८ किलो चरेस, नगद ३२ हजार ५९८ रुपैयाँ र ५ थान मोवाइल सहित उनिहरुलाई प्रहरीले नियन्त्रणमा लिएको जिल्ला प्रहरी कार्यालय बर्दियाका प्रहरी निरीक्षक लक्ष्मण वलीले जानकारी दिएका छन् ।
पूर्वी रुकुमको खवाङ्ग घर भई हाल दाङ घोराही बस्ने वर्ष ३४ को राजकुमार पुनमगर, मुसिकोट नगरपालिका-१ घर भई घोराही बस्ने वर्ष २७ की जुनतारा पुन, रुकुम घर भई दाङ बस्ने वर्ष ३४ की सुनथामी बुढामगरलाइ प्रहरीले पक्राउ गरेको छ ।
यसैगरी रुकुम तक्सेरका वर्ष २६ की अस्मिता रामजाली र रोल्पा पाछाबाङ घर भई हाल दुईखोली बस्ने वर्ष २९ को खीमप्रसाद रोकामगरलाई प्रहरीले पक्राउ गरेको प्रहरीले जनाएको छ ।
