काठमाण्डौः हेमविक्रम सिलवाल नेतृत्वको स्वतन्त्र नागरिक समाजले राजसंस्था र हिन्दु राष्ट्र पुनःस्थापनाको माग गर्दै काठमाडौँको शान्तिवाटिकामा ७२ घण्टे सत्याग्रह सुरु गरेका छन् ।
आईतबार बिहान ८ बजेबाट शुरु गरिएको सत्याग्रहमा पूर्व राजावादी तथा शिव सेना नेपालमा आबद्ध अगुवाहरुको सहभागिता रहेको छ ।
पूर्वराजा ज्ञानेन्द्र शाह तथा पूर्व रानी कोमल शाहको तस्वीर अंकित ब्यानरसहित सूरु गरिएको सत्याग्रहमा स्वतन्त्र नागरिक समाजका संयोजक हेम बिक्रम सिलवाल रहेका छन् ।
मुलुकको निकास र विकासका लागि ९५ प्रतिशत नागरिकहरु हिन्दु रहेको मुलुकमा हिन्दुराष्ट्र माग गर्दै सत्याग्रह सुरु गरिएको शिव सेना नेपालका अध्यक्ष अनिल बस्नेतले जानकारी दिए ।
स्वतन्त्र नागरिक समाजले सो सत्याग्रहलाई सफल बनाइ मुलुकलाई असफल राष्ट्र हुनबाट जोगाउन सरकारलाई दबाब दिन सत्याग्रह सुरु गरेको दावी गरिएको छ ।
