शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौ: झापाको मेचीनगरमा विद्युतीय तारबारमा परी एक महिलाको मृत्यु भएको छ ।
आइतबार साँझ मेचीनगर नगरपालिका- ९ धुलाबारीमा स्थानीयले राखेको विद्युतीय तारबारमा जंगली हात्तीबाट जोगिन सो विद्युतीय धरापमा राखिएको थियो ।
मृत्यु हुनेमा मेचीनगर-९ निबासी ५७ वर्षीया बुद्धिमाया तामाङ रहेको जिल्ला प्रहरी कार्यालय झापाका प्रवक्ता महेन्द्रकुमार श्रेष्ठले जानकारी दिएका छ्न् ।
गाईवस्तु धपाउने क्रममा विद्युतीय धरापमा परी करेन्ट लागेर महिलाको घटनास्थलमै मृत्यु भएको प्रवक्ता श्रेष्ठले बताए ।
यसअघि गत कार्त्तिक १६ गते पनि हात्ती धपाउने धरापमा परी झापाकै बुद्धशान्ति गाउँपालिकामा मामा-भान्जाको मृत्यु भएको थियो ।
