काठमाडौः पूर्व भारतीय राजदूत श्याम शरण आईतबार सुटुक्क काठमाण्डौं आइपुगेका छन् ।
भारतले सार्वजनिक गरेको नयाँ राजनीतिक नक्शामा नेपालको कालापानी क्षेत्रलाई समेत समेटेपछि सरकारले त्यसलाई अस्वीकार गरेको छ भने जनस्तरबाट ब्यापक विरोध भइरहेको छ ।
पूर्वराजदूतको सुटुक्क भ्रमणले अर्थपूर्ण र आशंका दुवै पैदा गरेको सिमाविद एवं बिश्लेषकहरूले बताएका छन् ।
सन् २००४ देखि २००६ सम्म भारतीय विदेश सचिव रहिसकेका श्यामशरण प्रधानमन्त्री मोदीको ‘म्यान्डेट’ लिएर आइतबार नेपाल आएका हुन की अन्यत्रै कामको लागी आएका हुन् हामीलाइ कुनै जानकारी नभएको काँग्रेसका सहमहामन्त्री डा प्रकाश शरण महतले बताए ।
स्रोतका अनुसार ईण्डिको एयरलाइन्सबाट आइतबार अपरान्ह काठमाण्डाैं आएका श्यामशरण नक्साल स्थित होटेल मेरिटको विवाह पार्टीमा अतिथिका रूपमा सहभागी भएका थिए ।
उनी बस्ने होटल दुइदिन मात्र बुक गरेकोले पनि सम्भवत आजै फर्कन सक्ने स्रोतको दावी छ ।
विवादास्पद बाह्रबुँदे सम्झौताका सूत्रधारहरू मध्येका एक श्यामशरणको काठमाडौँ बसाइ लम्बिएमा उनले प्रधानमन्त्री केपी शर्मा ओली, सत्तारुढ नेकपाका अध्यक्ष पुष्पकमल दाहाल ‘प्रचण्ड’, प्रमुख प्रतिपक्षी नेपाली कांग्रेसका सभापति शेरबहादुर देउवासँगै मधेस केन्द्रित दलका शीर्ष नेताहरुसँग भेट्न सक्ने बताइएको छ ।
