काठमाण्डौः नेपाल मजदूर किसान पार्टीमा विभिन्न तहमा रहेका नेताहरु पार्टी परित्याग गरी सत्तारूढ नेपाल कम्युनिष्ट पार्टी (नेकपा) प्रवेश गरेका छन् ।
गत २०७४ सालमा सम्पन्न स्थानीय तहको निर्वाचनमा चाँगुनारायण नगरपालिका-८ सुडालमा नेमकिपाबाट वडाध्यक्ष पदको उम्मेदवार भएका गणेशप्रसाद दुलाल सहित २० जना नेता तथा कार्यकर्ताहरू नेकपामा प्रवेश गरेको नेकपाका जिल्ला अध्यक्ष बचन देउजाले जानकारी दिए ।
नेकपा प्रवेश गरेकाहरुलाई आईतबार एक कार्यक्रमका बिच सत्तारूढ भक्तपुर नेकपाले पार्टी प्रवेश कार्यक्रम गरेर स्वागत गरेको नेकपाका जिल्ला अध्यक्ष बचन देउजाले बताए ।
नेकपा प्रवेश गरेका सबैलाई भक्तपुर इन्चार्ज दिलीप प्रजापति, सह-ईन्चार्ज सोमप्रसाद मिश्र, पार्टी जिल्ला अध्यक्ष बचन देउजा, नेकपा पार्टी सचिव तथा प्रदेशसभा सदस्य पदका उम्मेदवार डीपी ढकाल लगायतले स्वागत गरेका थिए ।
