शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौ: उपप्रधान एवम् स्वास्थ्य तथा जनसङ्ख्यामन्त्री उपेन्द्र यादव भारत प्रस्थान गरेका छ्न् ।
मन्त्री यादव विश्व औषधि उत्पादन सम्बन्धी सम्मेलनमा सहभागी हुन सोमबार भारततर्फ प्रस्थान गरेका हुन् ।
उपप्रधानमन्त्री यादवका स्वकीय सचिव महेश चौरासियाले दक्षिण एशियाका स्वास्थ्यमन्त्रीहरुको सहभागिता हुने कार्यक्रममा सहभागी हुन आज भारत पुगेको बताएका छन् ।
सो सम्मेलनले विश्व औषधि उत्पादनको पछिल्लो अवस्था र सन् २०३० सम्म औषधि उत्पादनलाई गुणस्तरीय र प्रभावकारी बनाउने रणनीति तय गर्ने बताइएको छ ।
सत्तारूढ समाजवादी पार्टी नेपालका अध्यक्ष समेत रहेका उपप्रधानमन्त्री यादव करिब तीन दिनसम्म भारतका विभिन्न कार्यक्रममा सरिक रहेर ६ मङ्सिरमा स्वदेश फर्कने कार्यक्रम रहेको सचिवालयले जनाएको छ ।
