काठमाण्डौ: मुगुमा विकाशको नाममा जथाभावी सडक खन्दा खानेपानीको हाहाकार भएको छ ।
मुगुको सोरु गाँउपालिका- ६ सिपगाँउ भन्ने स्थानमा योजनाबिना नै सडक निर्माण गर्न खोज्दा पू्र्खादेखीका पानीका मुहान सुकेपछि स्थानीय बासिन्दा खोलाको पानी खान बाध्य भएका छन् ।
सिप गाउँदेखि ख्याल्चासम्म बाटो बनाँउदा रिजर्भ ट्यांकी लगायत पनिका पाइपमा नोक्सानी पुगेकोले स्थानीय ५५ घरधुरीले खोलाको पानी उपभोग गर्दै आएका छन् ।
सोरु गाउँपालिकाले खानेपानीमा भन्दा बाटोघाटोमा चासो दिदाँ स्थानिय महिला तथा वृद्धवृद्धालाई टाढाबाट पानी बोक्नुपर्ने स्थानियको बाध्यता झनै बढेको छ ।
सो क्षेत्रमा विकास गर्न भन्दै जथाभावी डोजर प्रयोग गर्दा ट्यांकी र पाइपहरु नष्ट भएको स्थानिय भिम प्रसाल शेरचन बताउछन् ।
केही दिन यता स्थानीयले गाउँपालिकाले विग्रिएको ट्यांकीको पाइप ममर्त गर्न चासो नदेखाएको भन्दै जनप्रतिनिधीसँग आक्रोश पोखेका छ्न् ।
