काठमाण्डौ: प्रमुख प्रतिपक्षी दल नेपाली कांग्रेसले लामो समयदेखि रित्त रहेको नेपाल विद्यार्थी संघ (नेविसंघ) को महाधिवेशन गर्ने गरी नयाँ तदर्थ समिति बनाउने भएको छ ।
नेपाली काँग्रेसका सभापति शेर बहादुर देउवाले उपचुनाव लगत्तै भातृसंस्था नेपाल विद्यार्थी संघले नेतृत्व पाँउने बताएका हुन् ।
मंगलबार बिहान सभापति देउवा निवाश बुढानिलकण्ठ पुगेका नेविसंघका पूर्व उपाध्यक्ष ऋषिकेशजंग शाह लगायत अन्य विद्यार्थी प्रतिनधिहरूसँग कुरा गर्दै अबको १२ औं महाधिवेशनमा नेविसंघलाई नेतृत्व दिइने बचन दिएका हुन् ।
नेविसंघको अध्यक्षमा राजिव ढुंगानालाई बनाउने संस्थापन पक्ष निश्चित भएपनि तीन महामन्त्री को-को बनाउने भन्ने टुंगो लागि सकेको छैन । ढुंगानाले लामो समयदेखि नेविसंघको विभिन्न तहमा बसेर काम गरेका छन्।
उपचुनाव लगत्तै बस्ने केन्द्रिय समितिको बैठकले छलफल गरेर एक वर्षभित्र महाधिवेशन गर्ने गरी पदाधिकारी सहितको नयाँ समिति गठन गर्ने बताएका हुन् । अध्यक्षमा ढुंगानाको नाममा सहमति भैसके पनि महामन्त्री र अन्य पदका लागि नियर्णय भैसकेको छैन ।
तर नेविसंघमा भने आफ्नो विधानअनुसार ३२ वर्षे उमेरहद कटेको भन्दै नेविसंघ भित्रै विरोध भइरहेको छ। अहिले नेविसंघ नेतृत्वविहीन भएको करिब नौ महिना भएको छ ।
सभापति देउवासँग भेटमा शाहले भारतीय सीमा अतिक्रमण र नयाँ नक्सामा नेपालको भूमि समावेशपछि नेविसंघले गरिरहेको सडक प्रदर्शनबारे जानकारी गराएको हरियाली नेपाललाई बताए ।
