काठमाण्डौ: सत्तारूढ नेकपाका अध्यक्ष पुष्पकमल दाहाल प्रचण्डले प्रदेश ५ को राजधानी नयाँ ठाउँमा बनाउनुपर्ने बताएका छन् ।
बाँकेको नेपालगन्जमा भएको कार्यक्रममा केही हप्ताअघि दाङमा प्रदेश ५ को राजधानी उपर्युक्त हुने बताएका प्रचण्डले मंगलबार भने भैरहवामा राजधानी बनाउनुपर्ने बताएका हुन् ।
मंगलबार उद्योग ब्यापार संगठन रुपन्देही र नेपाल चेम्बर अफ कमर्शको आयोजनामा शुरु भएको पाँचौं लुम्बिनी पर्यटन प्रवद्धन, औद्योगिक व्यापार तथा कृषि महोत्सवको उद्घाटन गर्दै उनले राजधानी पुरानै शहरमा भन्दा नयाँ स्थानमा बनाउँदा राम्रो हुने बताएका हुन् ।
प्रदेश सरकारले दुई वर्षसम्म आफ्नो राजधानी र नामाकरण तोक्न नसक्दा अन्यौलता भएको एकातिर छ्दै छ तर प्रचण्डले भने अब नयाँ शहरमा प्रदेश उपर्युक्त हुन्छ जस्ता अभिव्यक्ति दिएका छ्न् ।
अब भने सरकारले देखिने गरी काम गर्ने दाबी गर्दै प्रचण्डले नयाँ ठाँउमा प्रदेश राजधानी बनाँउदा उपर्युक्त हुने बताएका हुन् ।
