काठमाण्डौं: नेपाल तरूण दलका नेता केशर खड्कासँग खसी मागेको आरोपमा डीएसपी शाहीमाथि विभागीय कारबाही गर्न छानविन समितिले सिफारिस गरेको छ ।
नेपाली काँग्रेसको भ्रातृ संगठन तरूण दल बाँकेका जिल्ला कोषाध्यक्ष केशर खड्कासँग इलाका प्रहरी कार्यालय कोहलपुर बाँकेका प्रहरी नायब उपरीक्षक (डीएसपी) हेमबहादुर शाहीले प्रहरी आचरण विपरित खसी मागेको ठहरीय पछी विभागीय कारबाही गर्न छानबिन समितिले सिफारिस गरेको हो।
आईतबार प्रहरी वरिष्ठ उपरीक्षक नरबहादुर केसीको सहभागितामा बसेको छानविन समितिको बैठकले ५ नम्बर प्रदेश प्रहरी नायब महानिरीक्षक सुरेशविक्रम शाहलाई प्रतिवेदन बुझाउँदै डीएसपी शाहीलाई कारबाहीको सिफारिस गरेको हो ।
प्रहरी आचरणमा विभागीय कारबाही अन्तर्गत सचेत गराउने, नसियत दिने, ग्रेड रोक्का, बढुवा रोक्का तथा कसूर हेरेर एक तहसम्म घटुवा गर्न सकिने व्यवस्था छ । डीएसपी शाहीलाई कसूर हेरेर कारबाही गरिने प्रहरीले बताएको छ ।
