काठमाण्डौः नेपाली कांग्रेस पर्साका समानुपातिक प्रदेश सांसद ओमप्रकाश शर्मा र वीरगञ्ज महानगरपालिका नगर इकाइ अध्यक्ष भोला कलवारबीच बुधबार बिहान कुटाकुट भएको छ ।
नेपाली काँग्रेसका प्रदेशसभा सदस्य ओमप्रकाश शर्मा र वीरगञ्ज नगर सभापति भोला कलवारबीच वीरगञ्ज नगर सभागृह (टाउन हल) सम्बन्धित विषयलाई लिएर विवाद हुँदा बुधबार बिहान दुवै नेता विच वीरगञ्जको सार्वजनिकस्थल बिच सडकमै कुटाकुट भएको हो ।
बुधवार बिहान साँढे सात बजे मर्निङ्ग वाक सकेर बिरगञ्ज महानगरपालिका-१० आदर्शनगर स्थित बब्लु चिया पसल अगाडि जम्काभेट भएका उनीहरूबिच सडक वारिपारि बसेर एक अर्कालाई गालिगलौज गर्दै शुरू भएको भनाभन कुटाकुटमा परिणत भएको प्रत्यक्षदर्शीले बताएका छन् ।
दुई नेता काँग्रेसभित्रको समीकरणमा शेरबहादुर देउवा समुहका हुन् । ओम प्रकाश शर्माले आफूहरूबीच कटाकुट भएको स्वीकार गरेका छन् ।
वीरगंज उद्योग वाणिज्य संघका निवर्तमान अध्यक्ष समेत रहेका शर्मा र टाउन हलका संचालक समेत रहेका कलवारको स्वास्थ्यमा समस्या देखिए पछि नारायणी अस्पतालको इमर्जेन्सी वर्डमा भर्ना भएका थिए ।
उपचार पछि प्रदेश सांसद शर्मा घर फर्के पनि कलवार पहिला देखी नै ब्लडप्रेसरका बिरामी रहेकाले उनको स्वास्थ्यमा समस्या देखिएपछि थप उपचारको लागि काठमाण्डौ रिफर गरिएको छ ।
नगर सभापति भोलाको नाकबाट रगत बगिरहेकाले उपचारको क्रममा काठमाण्डाैं रिफर भएका छन् ।
दुबै जना विच एक बर्ष पहिला देखीनै टाउन हलको बिषयमा विवाद हुदै आएको थियो । सोही विवादले उग्र रुप लिँदा दुबै नेता विच कुटाकुट भएको कांँग्रेस निकट स्रोतको दावी छ ।
