काठमाण्डौः दुई दिनदेखि सिराहको लहानबाट अपहरणमा परेको भनिएको नेपाल आयल निगमको ट्याङ्कर धनुषामा फेला परेको छ ।
अमलेखगञ्ज डिपोबाट लोड गरेर विराटनगर प्रस्थान गरेको ट्याङ्कर आइतवार राती सिराहमा पुगेपछी अपहरणमा परेको थियो ।
धनुषाको रमदैयामा रहेको राजदेवी मन्दिर अगाडि फेला पारिएको ना ४ ख ४१६३ नम्बरको ट्याङ्कर खाली अवस्थामा रहेको प्रहरीले जनाएको छ ।
उक्त ट्याङ्कर सिरहाको लहानस्थित पूर्वपश्चिम राजमार्गअन्तर्गत हुलाक कार्यालय अगाडि पार्किङ गरी विश्राम गरेको अवस्थामा आइतबार मध्यराती अज्ञात समूहको अपहरणमा परेको थियो ।
प्रहरीका अनुसार चालक रामदेव यादव र सहचालक उमेश यादवले आफूहरुलाई राति एक समूहले अपरण गरी ट्याङ्कर भारततर्फ लगेको बताए । प्रहरीले नेपालभन्दा भारतमा पेट्रोलियम पदार्थ महंगो पर्ने भएकोले मिलेमतोमा बेच्न लगिएको आशंका गरेका छन् । सो ट्याङ्करमा काठमाडौं उपत्यकाको बिक्री मूल्य अनुसार १९ लाख ४० हजार रुपैयाँ बराबरको २० हजार लिटर डिजेल लोड भएको थियो।
साथै मंगलबार ट्याङ्कर हराएको सम्बन्धमा सत्यतथ्य पत्ता लगाउन छानबिन समिति गठन गरेको छ । निगमले प्रदेश नं १ का प्रमुख इञ्जिनीयर अशोक साहको संयोजकत्वमा चार सदस्यीय छानबिन समिति गठन गरेको थियो ।
