शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौः दोलखाको भीमेश्वर नगरपालिका वडा नम्बर-८ बोचमा बस दुर्घटना हुँदा एक जनाको मृत्यु भएको छ ।
रोकिराखेको बस दुर्घटना हुँदा वैत्यश्वर गाउँपालिका- ३ मिर्गेकी ७० वर्षीया कुमारी तामाङको मृत्यु भएको जिल्ला प्रहरी कार्यालय दोलखाले जनाएको छ ।
२० जना यात्रु लिएर दोलखाको मिर्गेबाट काठमाण्डौका लागि छुटेको बा ३ ख २९९७ नम्बरको बस ठूलीनागीमा पुगेपछि डिजेल सकिएर बस रोकिएको थियो ।
रोकिएकै बस अचानक पल्टिएको प्रत्यक्षदर्शीले बताए । रोकिएको बसबाट यात्रुहरु बाहिर निस्किएका थिए ।
उक्त बसमा ७० वर्षीया वृद्धासहित अन्य दुई जनामात्रै सवार रहेका थिए । दुई जना बाहिर निस्किए पनि ७० वर्षीया वृद्धाको बसले च्यापिएर ज्यान गएको प्रहरीले जनाएको छ ।
