काठमाण्डौः प्रधानमन्त्री केपी शर्मा ओलीले बुधबार साँझ मन्त्रिपरिषद्को पुनर्गठन गरेका छन् । प्रधानमन्त्रीले नयाँ नियुक्त मन्त्रीहरुको सूची राष्ट्रपति कार्यालयमा पठाएका छन् ।
यो सँगै पुरानो मन्त्रिपरिषद्मा रहेका केही मन्त्रीहरु बाहिरीएका छन् भने केही नयाँ नियुक्त भएका छन् । केही मन्त्रीहरुको जिम्मेवारी हेरफेर भएको बताइएको छ ।
प्रधानमन्त्री तथा मन्त्रिपरिषद कार्यालयका सहायक प्रवक्ता केशब प्रसाद घिमिरेले हस्ताक्षर गरेको उक्त पत्र राष्ट्रपति कार्यालयमा बुधबार साँझ दर्ता भएको हो ।
ढिलोगरी प्राप्त सूचना अनुसार उक्त कार्यालयमा बुझाइएको सूची औपचारिक रुपमा सार्वजनिक गरिएको छैन ।
प्रधानमन्त्री केपी शर्मा ओलीले जिम्मेवार हेरफेर गरिएको मन्त्रिहरूमा घनश्याम भुसाल कृषि मन्त्रालय, बसन्त नेम्वाङलाई भौतिक पुर्वाधार तथा यातायात मन्त्रालय, हृदयेश त्रिपाठीलाई संघीय मामिला तथा सामान्य प्रशासन मन्त्रालय, लेखराज भट्टलाइ उद्योग वाणिज्य तथा आपूर्ति मन्त्रालय रामेश्वर राय यादवलाइ श्रम रोजगार तथा सामाजिक र पार्वत गुरुङलाई महिला वालवालिका तथा जेष्ठ नागरिक मन्त्रालयको जिम्मेवारी दिइने गरी राष्ट्रपति कार्यालयमा नाम पठाइएको छ ।
त्यस्तै उपप्रधानमन्त्री तथा स्वास्थ्यमन्त्री उपेन्द्र यादवको मन्त्रालय खोसिएको छ । यादवलाई कानुन मन्त्रालयको जिम्मेवारी दिइने भएको छ । त्यस्तै कानुनमन्त्री भानुभक्त ढकालको पनि मन्त्रालय खोसिएको छ । उनलाई स्वास्थ्य मन्त्रालयको जिम्मेवारी दिइने भएको छ ।
उक्त पत्रमा सत्तारूढ सहयात्री दल समाजबादीका पार्टी अध्यक्ष समेत रहेका उपेन्द्र यादवले सम्हालेको स्वास्थ्य मन्त्रालय खोसेर कानुनमा लैजाने र स्वास्थ्य राज्य मन्त्री डा. सुरेन्द्र यादवलाई समेत बर्खास्त गरेपछि समाजवादी पार्टी सरकारवाट बाहिरिने सम्भावना रहेको छ ।
यद्दपी यादव हाल भारतको नयाँदिल्लीमा रहेका छन् । सम्भवत यादव स्वदेश फर्के लगत्तै सरकारमै रहनेकी बाहिरिने भन्ने निर्णय लिने पार्टीको उच्च स्रोतले बताएको छ ।
यस्तो छ नयाँ मन्त्रिपरिषदको सूचीः
