काठमाण्डौ: मंसिर १४ गते हुने प्रदेश सभाको उपनिर्वाचनमा भक्तपुर १ (क) मा राप्रपा (संयुक्त)ले नेपाली काँग्रेसका उम्मेदवारलाई सहयोग गर्ने भएको छ ।
मंगलबार चाँगुनारायण स्थित नेपाली काँग्रेसका उम्मेदवार कृष्णलाल भडेलको निवासमा नेपाली काँग्रेस र राप्रपा (संयुक्त) नेताहरुवीच गम्भिर वार्ता पश्चात भएको सहमतिमा राप्रपाले काँग्रेसका उम्मेदवारलाई सहयोग गर्ने भएको हो ।
भक्तपुर १ (क) मा काँग्रेसको तर्फबाट कृष्णलाल भडेल उम्मेदवार रहेका छन् ।
सो वार्तामा कांग्रेसको तर्फबाट उपसभापति विमलेन्द्र निधि, महामन्त्री सशाकं कोइराला, तरुण दलका पूर्व अध्यक्ष तथा कांग्रेस महासमिति सदस्य विनोद कायस्थको सहभागी थिए भने राप्रपा (संयुक्त) को तर्फबाट पूर्व मन्त्री तथा राप्रपा (संयुक्त) का केन्द्रीय सदस्य दिनेश श्रेष्ठ, राप्रपा (संयुक्त) का केन्द्रीय सदस्य तथा राष्ट्रिय प्रजातान्त्रिक युवक संगठनका केन्द्रीय अध्यक्ष रविन्द्र प्रताप शाह लगायतका नेताहरुको उपस्थिति थियो।
