शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौ: नवनियुक्त स्वास्थ्य तथा जनसंख्या मन्त्री भानुभक्त ढकालले आफ्ना मातहतका कर्मचारीलाई समयमै कार्यालय आउन निर्देशन दिएका छ्न् ।
नवनियुक्त स्वास्थ्य तथा जनसंख्यामन्त्रीको कार्यभार सम्हालेका मन्त्री ढकालले आफूले स्वास्थ्य मन्त्रालयको सम्पूर्ण प्रणाली बुझ्नुपर्ने भएकाले केही दिन बिहान ८ बजेदेखि नै स्वास्थ्य मन्त्रालयमा आउन मातहतका कर्मचारीलाई सर्कुलर गरेका हुन् ।
मन्त्री ढकालले आफूले जति छिटो मन्त्रालयबारे बुझ्यो, त्यति नै मन्त्रालयको कामकारवाहीमा सहज हुने भन्दै उनले यस्तो निर्देशन दिएको स्वास्थ्य मन्त्रालयमा कार्यरत कर्मचारीले बताए ।
त्यस्तै उनले मन्त्रालयको संरचनाको स्थलगत अनुगमन गरी सबै बुझेर मात्र आगामी कार्ययोजना बनाएर अघि बढ्ने समेत बताएका छन् ।
