शेयर गर्नुहोस:
फन्ट परिवर्तन गर्नुहोस:
अ
अ
अ
काठमाण्डौं: समाजवादी पार्टी नेपालकी केन्द्रीय सदस्य देवकला प्रसाईंसहित झापाका दर्जनौँ कार्यकर्ताले सो पार्टी परित्याग गरेका छन् ।
परित्याग गर्नेहरूमा प्रसाईंसहित सो पार्टीको प्रदेश नं १ कमिटीकी सदस्य पनिता ढकाल, सङ्घीय परिषद् सदस्य उदय गुरुङ, शिल्पी मोर्चाका केन्द्रीय सदस्य बुद्ध बराइली लगायत छन् ।
उनीहरुले शनिवार एक प्रेस विज्ञप्ति जारी गरी पार्टीको कार्यदिशा अस्पष्ट भएको आरोप लगाउँदै आफूहरुले पार्टी परित्याग गरेको उनीहरुले जनाएका छन् ।
गत स्थानीय तहको निर्वाचनमा केन्द्रीय सदस्य प्रसाईं अर्जुनधारा नगरपालिकाको प्रमुख र प्रदेश सदस्य ढकाल मेचीनगर नगरपालिकाको उपप्रमुख पदमा तत्कालीन नयाँ शक्ति पार्टीका तर्फबाट उम्मेदवार बनेका थिए ।
