काठमाण्डौः चितवनको भरतपुर महानगरपालिका-५ स्थित चितवन मेडिकल कलेजको होस्टलमा पेस्तोल फेला परेको छ ।
होस्टलको झोला भित्र हतियार भएको गोप्य सूचना प्रहरी समक्ष पुगेपछी जिल्ला प्रहरी कार्यालयको बिशेष टोलीले उक्त होस्टलमा पु्गेर तलासी गर्दा गोली लोड गरिएको एक थान पेस्तोल र म्याग्जिन भेटिएको चितवनका प्रहरी उपरीक्षक दानबहादुर मल्लले जानकारी दिए ।
चितवन प्रहरी प्रमुख एसपी दानबहादुर मल्लका अनुसार उक्त हतियार प्रतिबन्धित नेकपाका महासचिव नेत्रविक्रम चन्द विप्लवका छोरा प्रकाश चन्दको कोठामा पेस्तोल बरामद गरिएको जानकारी दिए ।
चिकित्सा शिक्षा सुधार अभियान अन्तर्गत आइतबार बृहत र्याली आयोजना हुन लागेको पूर्वसन्ध्यामा विद्यार्थी बस्ने होस्टलको कम्पाउण्ड भित्र झोलामा राखिएको अवस्थामा हतियार फेला परेको हो । घटनाको अनुसन्धानका लागि प्रहरीले उक्त कलेजका सेक्युरिटी गार्डलाई पनि नियन्त्रणमा लिएको जनाएको छ ।
कलेजले लिएको बढी शुल्क फिर्ता नगरेको विरोधमा आइतबार प्रदर्शनको तयारी भएको थियो ।
