काठमाण्डौ: प्रमुख प्रतिपक्षी दल नेपाली काँग्रेसका सभापति शेरबहादर देउवाले प्रधानमन्त्री केपी शर्मा ओलीको सहमतिमा भारतले नयाँ राजनीतिक नक्सा सार्वजनिक गरेको आरोप लगाएका छन् ।
१४ मंसिरमा हुने प्रतिनिधिसभा सदस्यको उपनिर्वाचनमा केन्द्रित रहि नेपाली काँग्रेसको आमसभालाई पोखरामा सम्बोधन गर्दै सभापति देउवाले प्रधानमन्त्री ओलीकै सहमतिमा नेपाली भू-भाग भारतको नयाँ नक्सामा समेटिएको जिकिर गरेका हुन् ।
त्यस्तै देउवाले प्रधानमन्त्री ओलिको भारतसँग सम्झौता भएको हुन सक्ने बताएका छ्न् ।सम्बोधनमा उनले यदी त्यसो नहुँदो त नेपाली भू-भाग मिचिएको प्रष्ट हुदाँ हुदै सरकारले किन पहल नगरेको जस्ता आरोप लगाएका थिए ।
सोही चुनावी सभामा बोल्दै देउवाले ओली सरकार भ्रष्टाचारी सरकार भएको बताएका हुन् । उनले भने ओली सरकारलाई चुनौती दिन काँग्रेसलाई जिताउन मतदातालाई आग्रह समेत गरे ।
भारतले नेपाली सिमा मिच्दा प्रधानमन्त्रीजी किन चुप हुनुहुन्छ ? कतै प्रधानमन्त्री ओलीजीकै सहमतिमा भारतले नयाँ नक्सा जारी गरेको त होईन ?
सरकारको काम जनताले थेग्नै नसक्ने गरी अनावश्यक कर उठाउने, पाइला पाइलामा भ्रष्टाचार बढाउने र संविधान विपरित काम गरेर लोकतन्त्रलाई कमजोर गराउने भएको छ।
कास्की-२ का नेपाली कांग्रेसका उम्मेदबार खेमराज पौडेलजी ६० बर्षदेखि तपाईहरुको सुःख दुःखमा साथसाथ हुनुहुन्छ । उहाँको जीवनशैली मैलेभन्दा बढि तपाईहरुले बुझ्नु भएको छ । मलाई विश्वास छ अव यो चुनावमा तपाईहरुको साथ खेमराजजीलाई हुनेछ।
यो चुनाव सरकार बदल्ने त होईन, तर सरकारको गलत कामको खवरदारी गर्ने चुनाव हो । त्यसैले तपाईहरुले खेमराजजीलाई मत दिएर सरकारलाई खवरदारी गर्नुहुनेछ ।
खेमराज पौडेल कास्की २ मा नेपाली कांग्रेसबाट चुनावी मैदानमा उत्रिएका छन् ।
