काठमाण्डौ: राजधानीको नयाँबानेश्वरमा सवारी दुर्घटनामा परि मर्निङवाकमा निस्केका एक चिकित्सकको ज्यान गएको छ ।
आइतबार बिहान साँढे ५ बजेको समयमा बसुन्धारास्थित इसान बाल तथा महिला अस्पतालमा कार्यरत डाक्टर प्रभु जोशीलाई पहिचान नखिलेको बसले ठक्कर दिएको हो ।
दैनिक मर्निङवाकमा निस्कने निज डाक्टरलाई संघीय संसद भवनको दक्षिण गेट अगाडि यात्रुबहाक बसले ठक्कर दिएर मृत्यु भएको प्रहरीले जनाएको छ ।
अन्दाजी ५५ वार्षिय डाक्टरलाई ठक्कर दिने साधनको पनि पहिचान नभएको र सो बसको सीसीटिभी फुटेजका आधारमा खोजीकार्य जारी रहेको प्रहरीले जनएको छ ।
दर्घटना लगत्तै डाक्टर जोशीलाई उपचारको लागि सिभिल अस्पताल लगिएको थियो भने चिकित्सकले डाक्टर जोशीलाई मृत घोषणा गरेको महानगरीय प्रहरी वृत्त तीनकुनेका प्रहरी निरीक्षक दीर्घ बोगटीले बताएका छन् ।
मृतक डाक्टर जोशी बानेश्वर नजिकै रहेको संसद सचिवालयको अगाडि परिवारसँग बस्दै आएका थिए ।
