काठमाण्डौः भारतद्वारा अतिक्रमण बिरूद्ध राष्ट्रिय प्रजातन्त्र पार्टीले राजधानीमा विरोध प्रदर्शन गर्ने भएको छ ।
राष्ट्रिय प्रजातन्त्र पार्टीका महामन्त्री भास्कर भद्राको उपस्थितीमा आईतबार पार्टी केन्द्रीय कार्यालय धुम्बाराहीमा बसेको भातृ संगठनका अध्यक्षहरुको संयुक्त बैठकले राजधानीमा विरोध प्रदर्शन गर्ने कार्यक्रम तय गरेको हो ।
बैठकको निर्णय अनुसार भातृ संगठनहरुको संयुक्त आयोजनामा मंसिर ११ गते बुधबार दिनको १ बजे बबरमहलमा भेला भएर माइतिघर मण्डलासम्म र्याली गर्दै भारतद्वारा गरिएको सीमा अतिक्रमणको विरोध गर्ने निर्णय गरिएको सो पार्टीले जनाएको छ ।
बैठकले राष्ट्रिय प्रजातान्त्रिक युवा संगठनका अध्यक्ष प्रकाश रिमाललाई उक्त बिरोध प्रदर्शनको संयोजकको जिम्मेवारी समेत दिएको छ ।
भारतले एकतर्फी रूपमा नेपाली भूभागलाई समेटेर राजनितिक नक्शा जारी गरेसँगै नेपालमा त्यसको ब्यापक रूपमा दैनिकजसो बिरोध प्रदर्शन भइरहेको छ ।
