काठमाण्डौ: सरकार र मेडिकल कलेज सञ्चालकहरुसँग भएको सहमति अनुसारको शुल्कबारे छानबिन गर्न पाँच सदस्यीय कार्यदल गठन भएको छ ।
पाँच सदस्यीय कार्यदल चिकित्सा शिक्षा आयोगको योजना, समन्वय तथा प्राज्ञिक उन्नयन निर्देशनालयका निर्देशकको संयोजकत्वमा गठन भएको हो।
गएको १० मंसिरमा सरकार र मेडिकल कलेज सञ्चालकबीच २ बुँदे सहमति भएको थियो । तर उक्त निर्णय अनुसार शुल्कका विषयमा आयोगले आवश्यक कार्य समेत अगाडि बढाइसकेको आयोगद्वारा बिहिबार जारी प्रेस विज्ञप्तिमा उल्लेख छ।
विद्यार्थीहरुले भने उक्त सहमति मान्य नभएको भन्दै आन्दोलन चर्काइरहेका छन् । आयोगले १० गतेको सहमति अनुसार कार्यदल गठन गरिसकेको जनाएको छ ।
उनीहरूले त्रिवि चिकित्सा शास्त्र अध्ययन संस्थानले लिएको एमबिबिएस, बिडिएस, नर्सिङ सहित ८ वटा संकायको पहिलो वर्षको परीक्षा समेत बिद्यार्थीहरुले बहिष्कार गरिरहेका छन् ।

