काठमाण्डौ: दोधारा चाँदनी जोड्ने एशियाकै लामो मानिएको झोलुङ्गे पुल मर्मत गरिने भएको छ ।
जीर्ण अवस्थमा रहेको कञ्चनपुरको महाकाली नदी माथिको मल्टीस्पान झोलुङ्गे पुल मर्मतको कार्य शुरु भएको छ ।
सो जीर्ण पुलको सुदूरपश्चिम सरकारले ठेक्का प्रक्रिया माफर्त मर्मत कार्य अगाडि बढाएको छ।
गत आर्थिक वर्षमा ५० लाख रुपैयाँ र चालु आवमा ६० लाख बजेट विनियोजन गरेर पुल निर्माण गर्न लागिएको हो ।
त्यस्तै शनिबारदेखि पुस ५ गतेसम्म विहान ३ घन्टा र दिउँसो ३ घन्टासम्म सो पुल बन्द गरिने निर्णय गरिएको भीमदत्त नगरपालिकाका नगर प्रमुख सुरेन्द्र बिष्टले बताएका छ्न् ।
पुलको मर्मत सम्भारका लागि थप बजेट विनियोजनका लागि प्रदेश र संघीय सरकारसँग माग गरिएको छ।
डडेल्धुराको खाम्पाचे-देबभूमि कन्स्ट्रक्सन तथा क्वालिटी सप्लायर्श अमरगढी ५ जेभीले पुल मर्मतको ठेक्का लिएको छ।
महाकाली नगरपालिका जोड्ने डेढ मिटर चौडाइको पुलको लम्बाई एक हजार चारसय ५२ मिटर रहेको छ । उक्त पुल नेपालको सबैभन्दा लामो पुल हो।
३२.७ मिटरका ७ वटा अग्ला टावर रहेको सो पुल २०६१ सालमा ९ करोड ४२ लाख ४१ हजारमा निर्माण गरिएको पुल जुन एसियामै दोस्रो लामो झोलुङ्गे पुलका रुपमा परिचीत छ ।
