काठमाण्डौँः नेपाल चिकित्सक संघको अागामी माघमा हुने नयाँ कार्यकारिणी सभा निर्वाचनमा प्रगतिशील समूहबाट अध्यक्षमा डा पुष्पमणि खराल र महासचिवमा डा मधुर बस्नेतले उम्मेद्धारी दिने टुङ्गाे लागेकाे छ ।
पुष्पमणि खरालकाे प्यानलबाट बरिष्ठ उपाध्यक्षमा डा रक्षा श्रेष्ठ, उपाध्यक्षमा डा रञ्जीत झा, कोषाध्यक्षमा कविता अधिकारी र सह कोषाध्यक्षमा डा उदयसिंह उम्मेद्धार छनौट गरिएकाे समितिका एक सदस्य डा रमेश ढकालले बताएका छन् ।
ढकालले जनाएअनुसार अनुसार सदस्यहरुमा डा दीपक कोइराला, डा जगदीश विष्ट, डा कालुसिंह खत्री, डा लिजन महर्जन र डा विजय थापाले उम्मेद्धारी दिने तय भएको छ भने सह कोषाध्यक्ष र एक जना सदस्यकाे टुङ्गाे लागेकाे बताए ।
त्यस्तै नेपाली कांग्रेस निकट लोकतान्त्रिक समूहले गत आईतबार नै अध्यक्ष उपाध्यक्ष सहित १० जनाको उम्मेद्धारीको टुंगो लगाईसकेको छ ।
